2010 litið um öxl

Við upphaf ársins 2011, er rétt að líta um öxl og horfa til baka yfir liðið ár. 2010 var mörgum erfitt og einnig í minni fjölskyldu, en veikindi og slysfarir sett nokkurt mark sitt á árið hjá okkur, þó allt sé það á réttri leið, og ekkert alvarlegt á ferðum. Veðurblíða ársins var mikil og eldgosin höfðu ekki áhrif á okkar starfsemi svo heitið geti.

Engu að síður er það svo að heilsan er það mikilvægasta og því reyndi ég að halda mínu striki í líkamsrækt á árinu, og dansi. Þetta heldur mér gangandi og ég hyggst því stunda þetta áfram að fullum krafti. Þá tók ég þátt í hefðbundnu félagsstarfi sem ég hef tekið þátt í undanfarin ár, þ.e. karlakórnum, frímúrarareglunni og flokksstarfi hjá sjálfstæðisflokknum, en nú tókst okkur sjálfstæðismönnum að ná meirihluta hér í bænum í kosningunum í vor. Einnig tók ég lítillega þátt í starfi hestamannafélagsins Sleipnis, sem nú er að klára vinnu við nýju reiðhöllina.

Mikið var að gera í vinnunni hjá Lögmönnum Suðurlandi þetta árið, en einnig hjá Ferðaþjónustunni Úthlíð, sem við fjölskyldan rekum. Reksturinn er hinsvegar í járnum og álögur allar hafa aukist.

Eftirminnilegustu atburðir eru ferming Ágústu sl. vor og 50 ára afmæli Ingu nú í des. Einnig skíðaferðir til Akureyrar og Sauðárkróks sl. vetur. Skemmtilegt frí í ágúst á Spáni með Gumma og Gurrý stendur einnig uppúr. Þá fórum við nokkrar hestaferðir auk þess sem smalamennskur og Réttir er alltaf skemmtilegur tími, en við fórum m.a. í Laufskálaréttir þetta haustið.

Margt bendir til að bjartari tímar séu framundan í efnahagslífinu, með bjartsýni og dugnaði munum við sem þjóð vinna okkur út úr þeim vanda sem bankahrunið kom okkur í. Ég vona að árið 2011 verði heilla ár fyrir okkur öll og hlakka til þeirra verkefna sem bíða, bæði í leik og starfi.

Gleðilegt ár!

 

 

 


Við áramót

Árið 2009 verður eftirminnilegt öllum þeim sem fylgjast með pólitík, en þá varð uppreisn nokkurs mannfjölda í Reykjavík gegn stjórnvöldum. Fóru átökin einkum fram við Alþingishúsið. Átök þessi urðu upphafstef þeirrar ríkisstjórnar er nú situr við völd. Allt er þetta hið dapurlegasta mál, og sér ekki fyrir endan á. Stjórnmálastaðan er veik og samstaða manna ekki næg. Árið var hinsvegar nokkuð gott til sjávar og sveita, veðurfar gott sem og aflabrögð. Stóriðjan gekk vel. Viðskiptajöfnuður þjóðarinnar jákvæður í fyrsta sinn í mörg ár. Einnig var árið nokkuð gott hjá mér og mínum, heilsufar gott og rekstur á mínum fyrirtækjum nokkuð góður. Mikið að gera á lögfræðstofunni, svo sem það hefur verið frá fyrsta degi reksturs míns hér á Selfossi. Ég á einmitt 20 ára starfsafmæli í haust sem sjálfstætt starfandi lögmaður hér. Einnig gekk vel í Úthlíð, en ferðaþjónustan er ein þeirra atvinnugreina sem gengu nokkuð vel hér á landi á árinu.  Við fórum eftirminnilega skíðaferð til Wagren í Austurríki í feb. og góða ferð til Luxenburgar og Þýskalands í ágúst. Heimsóttum Ólöfu SIf sem er au per í Lux, um þessar mundir. Fórum í nokkrar hestaferðir, og áttum margar ánægjustundir með fjölskyldu og vinum á árinu. Það er mikilvægt að gleyma því ekki í dægurþrasinu að góð heilsa, fjölskyldan, ættingar og vinir  eru það mikilvægasta sem maður á. Að því ætla ég að hlúa á nýju ári, sem ég bind vonir við að verði gott. Ágústa verður fermd í vor ef guð lofar, og markar það ákveðin tímamót hjá okkur Ingu því þá er fermingum barnanna lokið. Megi guð gefa okkur öllum gleðilegt og gæfuríkt ár. 

Jólin 2009

Enn er jólahátíð gengin í garð með þeirri sérstöku helgi sem henni fylgir. Vinir og ættingja koma saman, eiga góða stund og heilsast og kveðjast. Þetta eru ómetanlegar stundir.

Var að koma af jólamessu hér á Selfossi hjá séra Óskari. Mjög góð messa og stólræðan eftirminnileg þar sem lagt var út frá því að hamingjan kemur að innan en græðgi og sjálfselska getur eyðilegt besta fólk. Boðskapur jólanna á alltaf erindi til okkar, en ekki síst núna á erfiðum tímum hjá mörgu fólki.

Sendi vinum og ættingjum nær og fjær mína bestu jóla og nýársóskir.


Kaupfélagið blífur

Ekki einu sinni kaupfélaginu hefði dottið þetta í hug á sýnum velmektarárum, þeir eru magnaðir framsóknarmenn þarna vestur í skrælingjalandi.

mbl.is Wal-Mart hefur sölu á líkkistum
Tilkynna um óviðeigandi tengingu við frétt

Góður drengur á þing

Þar fá sunnlendingar góðan dreng á þing. Vegur okkar Haukdæla vex og er það vel, ekki veitir af. Til hamingju gamli vinur!

mbl.is Sigurður Ingi í fyrsta sæti
Tilkynna um óviðeigandi tengingu við frétt

Gott að fá Guðrúnu í þetta

Gott að minn gamli prófessor dr. Guðrún Erlendsdóttir sé til í að skoða þessi mál. Reynsla hennar af störfum dómara á að nýtast þarna.

mbl.is Nýjar reglur um skipan dómara
Tilkynna um óviðeigandi tengingu við frétt

Um áramót

Við upphafs nýs árs er rétt að líta til baka og gera upp gamla árið. Í heild var þetta ár mér og mínum erfitt, og verður tengt ýmsum áföllum bæði í fjármálum og veikindum. Ekkert af því var hinsvegar alvarlegt með þeim hætti að við komumst ekki yfir það. Jákvæðu stundirnar með vinum og ættingjum voru einnig margar, ferðalög og gleðistundir, t.d. skíðaferð til Austurríkis í feb., ferming Skúla Geirs í maí, hestaferð á Landsmót Hestamanna í júli, Danmerkurferð Úthlíðinga í sept. og Rómarferð með góðum vinum í haust. Þjóðlendumálin héldu áfram að taka mestan hluta vinnutímans, auk margra annarra fjölbreyttra verkefna á lögfræðistofunni. Rekstur stofunnar gekk vel, en fasteignasalan hrundi. Mest allur frítími fer svo í að sinna Úthlíðinni, en þar var mikið umleikis á árinu eins og fyrr. Árið gekk í heildina vel, þó rekstur ferðaþjónustunnar sé jafnan í járnum. Framundan eru óvissutímar, en með góðan hóp samstarfsmanna, vina og fjölskyldu að baki, er ég sannfærður um að næsta ár mun verða gott, fyrir mig og mína. Þjóðin mun einnig vinna sig út úr þeim hremmingum sem yfir dundu í haust. Þar er lausnarorðið að mínu mati samstaða, því enn gilda orð Þorgeirs Ljósvetningagoða "sameinaðir stöndum vér en sundraðir föllum vér" 300 þús manns hér á þessari norðlægu eyju komst ekki af nema með því að standa saman. Sú samstaða var rofinn með auraapahætti á undanförnum misserum, en nú er því lokið og raunveruleikinn blasir við. Ég vona að þeir sem bera ábyrgð á því að þjóðin er nú kominn í skuldaklafa vegna peningabrasks nokkura manna í Evrópu, verði látnir sæta ábyrgð.


Sanngirni ráði för

Það er mikilvægt að ráðamenn standi við þau orð að verja öll innlán landsmanna í bönkunum. Peningabréf voru einfaldlega eitt innlánsform bankana. Stofnanir, fólk og fyrirtæki kom með fjármuni sína og setti þá í þessa örugga fjárvörlslu, "engin áhætta og alltaf laus", eins og auglýst var til síðasta dags. Fjármálaeftirlitið og þar með ríkið bera ábyrgð á þessum auglýsingum, og þessari starfsemi. Almenningur verður að geta treyst fjármálastofnunum í framtíðinni, því verður að bregðast við og tryggja að sparifjáreigendur fái innstæður sínar að fullu til baka, líka í peningamarkaðsbréfum. Að öðrum kosti er búið að eyðileggja tiltrú á Íslensku bankakerfi næstu áratugina. Einnig verður að tryggja að skuldajafnaðarreglur gjaldþrotalaga verði virtar, það gengur ekki að fólk tapi þessum innstæðum, en nýji bankinn gangi svo að því með skuldir gamla bankans!

mbl.is Hóta aðgerðum
Tilkynna um óviðeigandi tengingu við frétt

Verjum sparnaðinn

Það er mikilvægt að ráðamenn standi við þau orð að verja öll innlán landsmanna í bönkunum. Peningabréf voru einfaldlega eitt innlánsform bankana. Stofnanir, fólk og fyrirtæki kom með fjármuni sína og setti þá í þessa örugga fjárvörlslu, "engin áhætta og alltaf laus", eins og auglýst var til síðasta dags. Fjármálaeftirlitið og þar með ríkið bera ábyrgð á þessum auglýsingum, og þessari starfsemi. Almenningur verður að geta treyst fjármálastofnunum í framtíðinni, því verður að bregðast við og tryggja að sparifjáreigendur fái innstæður sínar að fullu til baka, líka í peningamarkaðsbréfum. Að öðrum kosti er búið að eyðileggja tiltrú á Íslensku bankakerfi næstu áratugina. Einnig verður að tryggja að skuldajafnaðarreglur gjaldþrotalaga verði virtar, það gengur ekki að fólk tapi þessum innstæðum, en nýji bankinn gangi svo að því með skuldir gamla bankans!
mbl.is Hluti af innistæðum í sjóðum endurgreiddur
Tilkynna um óviðeigandi tengingu við frétt

Frumvarp til laga um frístundabyggð

Á fundi í háskólanum í Reykjavík í gær kom fram hörð gagrýni á frumvarp til laga um frístundabyggð. Talsmenn frumvarpsins Sveinn Guðmundsson lögfr. sumarhúsaeigenda og höfundur frumvarpsins  Helgi Áss Gretarsson lögfr. hjá Lagastofnun Háskólans vörðu frumvarpið að sjálfsögðu, en gagnrýni kom m.a. frá undirrituðum í erindi er ég hélt á fundinum og undir hana var tekið m.a. af Sigurði Tómasi Magnússyni kennara við HR. Það er mikilvægt að frumvarp þetta verði tekið til endurskoðunar með það að makmiði að tryggja að það standist stjórnarskrána.
Skrár tengdar þessari bloggfærslu:

Næsta síða »

Höfundur

Ólafur Björnsson
Ólafur Björnsson
Lögmaður og bóndi
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband